Dieta ketogjenike është një ndër dietat më të famshme, por jo më kot. Sot është vërtetuar se sheqeri është armiku kryesor i njeriut, shkaktar i konfirmuar i diabetit, obezitetit e madje kancerit. Kjo lloj diete, duke qënë se nuk e lejon konsumimin e asnjë lloj karbohidrati, e furnizon trupin me yndyrna të shëndetshme e me proteina. Unë ndërtoj për klientët e mi një lloj mesdhetar të kësaj diete, plot me yndyrna të pangopura si vaji i ullirit e avocado, me perime e sallata stinore dhe me mish të freskët. Si e tillë është shumë më e shëndetshme se dieta ketogjenike amerikane.

Cdo metabolizëm është unik, jo vetëm nga shpejtësia e tij, por edhe nga mënyra se si reagon me dieta të ndryshme. Sigurisht sa më tepër kilogramë të tepërt të keni, aq më shpejt do dobësoheni. Javët e para, muskujt fillojnë e zbrazen nga glikogjeni i tepërt (ujërat) dhe ju bini më shpejt. Më tej nis humbja e masës dhjamore, e cila peshon më pak, por është më e dukshme përmes perimetrave të trupit.

Në personat mbipeshë e obezë gjenden pothuajse përherë edhe crregullime hormonale, të insulinës, kortizolit, tiroides e madje seksuale. Ka njerëz që më përshkruajnë një rutinë ditore me 1 ose 2 vakte me pak kalori e prapë janë obezë. Janë hormonet ato të cilat janë të disbalancuara e ju nevojitet një dietë për t’i kthyer në normë. Në këtë moment do filloni të bini nga pesha.

Besojeni apo jo, por është më e vështirë të shtosh masë muskulare se sa të humbasësh dhjamë. Kur ti ke një peshë e dëshiron të humbësh, mjafton një dietë hipokalorike për t’ja dalë.

Nëse ju jeni nënpeshë, jo vetëm ju duhet një dietë me shtesë kalorish, por ju nevojitet të merrni edhe multivitamina për t’i futur këta nutrientë brenda qelizave si dhe të ushtroni aktivitet fizik në mënyrë që t’i dëmtoni muskujt tuaj e ata të rigjenerohen duke shtuar volumin e tyre.